മലപ്പുറം: വാവ സുരേഷ് രോഗമുക്തി നേടി ആശുപത്രി വിട്ട് വീട്ടില്‍ തിരിച്ചെത്തിയതിന്റെ സന്തോഷം പങ്കുവച്ച് മലപ്പുറം വണ്ടൂരിലെ കുടുംബശ്രീ ഹോട്ടല്‍ ജീവനക്കാര്‍ ഹോട്ടലില്‍ എത്തുന്നവര്‍ക്ക് സൗജന്യ ഭക്ഷണം വിളമ്പിയാണ് ആഹ്ലാദം പങ്കിട്ടത്.

പതിവില്‍ നിന്ന് വ്യത്യസ്തമായി ചോറ്, സമ്പാറ്, മീന്‍ കറി, ഉപ്പേരി, കൂട്ടുകറി, ചമ്മന്തി, അച്ചാര്‍, മസാലക്കറി, പപ്പടം, പായസം അങ്ങനെ വിഭവങ്ങള്‍ എല്ലാമുണ്ട്. അങ്ങാടിയിലെ കച്ചവടക്കാര്‍, വിവിധ ഓഫിസുകളിലെ ഉദ്യോസ്ഥര്‍, വിദ്യാര്‍ത്ഥികള്‍ എന്നിവരാണ് പതിവായി മലപ്പുറം വണ്ടൂരിലെ കുടുംബശ്രീ ഹോട്ടലില്‍ ഉച്ചഭക്ഷണത്തിനെത്താറ്. ഭക്ഷണം കഴിച്ച ശേഷം പണം നല്‍കാന്‍ കൗണ്ടറില്‍ എത്തിയപ്പോഴാണ് എല്ലാവര്‍ക്കും ആ സര്‍പ്രൈസ് മനസിലായത്. ആരുടെ കൈയില്‍ നിന്നും പണം വാങ്ങിയില്ല.