ഉരുവച്ചാല്‍: സ്‌കൂള്‍ ബസ് നിയന്ത്രണം വിട്ടു മതിലിലിടിച്ചു. വന്‍ ദുരന്തം ഒഴിവായി. ഇന്നലെ രാവിലെ എട്ടുമണിയോടെ മട്ടന്നൂര്‍ ശ്രീ ശങ്കരവിദ്യാപീഠം സ്‌കൂള്‍ ബസാണ് നിയന്ത്രണം വിട്ട് അപകടത്തില്‍പെട്ടതിനെത്തുടര്‍ന്ന് റോഡിനു കുറുകെ കുടുങ്ങിയത്. ബാവോട്ടുപാറ ദേവര്‍കാട് റോഡില്‍ വിദ്യാര്‍ഥികളെ കയറ്റിയ ശേഷം ബസ് തെന്നി  നിയന്ത്രണം വിട്ട് മതിലിലിടിക്കുകയായിരുന്നു. വിദ്യാര്‍ഥികള്‍ പരുക്കേല്‍ക്കാതെ രക്ഷപ്പെട്ടു. 20 ഓളം കുട്ടികള്‍ ബസിനകത്തുണ്ടായിരുന്നു. നാട്ടുകാരുടെ നേതൃത്വത്തില്‍ ബസ് റോഡില്‍ നിന്ന് നീക്കി ഗതാഗതം പുനസ്ഥാപിച്ചു.