തിരുവനന്തപുരം: പ്രതിഷേധങ്ങള്‍ക്കെല്ലാം പുല്ലുവില. സെഞ്ച്വറി കടന്നു രാജ്യത്ത് പലയിടത്തും ഇന്ധനവില. പതിവുപോലെ രാജ്യത്ത് ഇന്ധന വില ഇന്നും റോക്കറ്റുപോലെ മേല്‍പോട്ടുതന്നെ. പെട്രോള്‍ ലിറ്ററിന് 24 പൈസയും ഡീസല്‍ ലിറ്ററിന് 16 പൈസയുമാണ് ഇന്ന് വര്‍ധിച്ചത്.

തിരുവനന്തപുരത്ത് പെട്രോള്‍ വില 93 കടന്നു. 93 രൂപ എട്ടു പൈസയാണ് ഇവിടെ വില. കൊച്ചിയില്‍ 91 രൂപ 44 പൈസയാണ് ഇന്നത്തെ വില. തിരുവനന്തപുരത്ത് 87 രൂപ 59 പൈസയും കൊച്ചിയില്‍ 86 രൂപ രണ്ടു പൈസയുമാണ് ഡീസല്‍ വില. രാജ്യത്തെ ഒട്ടേറെ സ്ഥലങ്ങളില്‍ പെട്രോള്‍ വില നൂറ് കടന്നു. ഇടിത്തീപോലെയുള്ള ഇന്ധന വില അവശ്യസാധനങ്ങളുടെ വിലയെയും ബാധിക്കുകയാണ്. ഇന്ധനവിലയുടെ കുതിച്ചുചാട്ടം വരും ദിവസങ്ങളിലും വിലക്കയറ്റം ഉയര്‍ത്തുമെന്നുറപ്പാണ്.
ബിഹാറിലെ പലയിടത്തും ഇന്ധനവില ഇപ്പോള്‍ തന്നെ 100 കടന്നിട്ടുണ്ട്.