കോഴിക്കോട്: താമരശേരി ബിഷപ്പ് മാര്‍ റെമിജിയോസ് ഇഞ്ചനാനിയിലുമായി മുസ് ലിം ലീഗ് നേതാക്കള്‍ കൂടിക്കാഴ്ച്ച നടത്തി. പി.കെ കുഞ്ഞാലിക്കുട്ടി, എം.കെ മുനീര്‍, ഇ.ടി മുഹമ്മദ് ബഷീര്‍ എന്നിവരാണ് കൂടിക്കാഴ്ച്ചയില്‍ പങ്കെടുത്തത്. തിരുവമ്പാടിയിലെ ലീഗ് സ്ഥാനാര്‍ഥിയ്ക്ക് പിന്തുണ ആവശ്യപ്പെട്ടാണ് കൂടിക്കാഴ്ച്ച.

സ്ഥാനാര്‍ഥിയായി പരിഗണിക്കണമെന്ന് ആവശ്യപ്പെട്ട് മൂന്ന് പേരുകള്‍ സഭ ലീഗ് നേതൃത്വത്തിന് മുന്നില്‍ വെച്ചതായാണ് സൂചന. മുമ്പ് കൂടിക്കാഴ്ചക്ക് എത്തിയ രമേശ് ചെന്നിത്തലയോടും ഉമ്മന്‍ചാണ്ടിയോടും ക്രിസ്ത്യന്‍ സ്ഥാനാര്‍ഥിയെ താമരശ്ശേരിയില്‍ മത്സരിപ്പിക്കണമെന്ന ആവശ്യം സഭ ഉന്നയിച്ചിരുന്നു. ഈ സാഹചര്യത്തിലാണ് അനുരഞ്ജന നീക്കവുമായി കുഞ്ഞാലിക്കുട്ടിയും മുനീറും ബിഷപ്പ് മാര്‍ റെമിജിയസ് ഇഞ്ചനാനിയേലിനെ കണ്ടത്.