ന്യൂഡല്‍ഹി: ഉക്രൈനില്‍ നിന്ന് പൗരന്മാരെ ഒഴിപ്പിക്കാന്‍ തന്റെ സര്‍ക്കാരിന് കഴിഞ്ഞത് ഇന്ത്യയുടെ വര്‍ദ്ധിച്ചുവരുന്ന ശക്തി മൂലമാണെന്ന് പ്രധാനമന്ത്രി നരേന്ദ്രമോദി. ഉത്തര്‍പ്രദേശില്‍ തെരഞ്ഞെടുപ്പ് ക്യാമ്പെയ്നില്‍ പങ്കെടുത്ത് സംസാരിക്കുകയായിരുന്നു അദ്ദേഹം.

ഇന്ത്യന്‍ പൗരന്മാരെ നാട്ടിലെത്തിക്കാനുള്ള ഒരു അവസരവും തങ്ങള്‍ പാഴാക്കില്ലെന്നും അദ്ദേഹം കൂട്ടിച്ചേര്‍ത്തു.

ഇന്ത്യന്‍ സൈന്യത്തിന്റെ വര്‍ധിത വീര്യത്തേയും മേക്ക് ഇന്‍ ഇന്ത്യയേയും ചോദ്യം ചെയ്തവര്‍ക്ക് ഇന്ത്യയെ ഒരു കാലത്തും ശക്തിപ്പെടുത്താന്‍ സാധിക്കില്ലെന്നും പ്രതിപക്ഷത്തെ ഉന്നംവെച്ച് അദ്ദേഹം പറഞ്ഞു.

അതേസമയം, ഉക്രൈനിലെ ഇന്ത്യക്കാര്‍ക്ക് സുരക്ഷിതപാത ഒരുക്കുമെന്ന് റഷ്യ ഉറപ്പുനല്‍കി. ഇന്ത്യക്കാരുടെ സുരക്ഷ ഉറപ്പാക്കാന്‍ സഹായിക്കാമെന്ന് റഷ്യന്‍ സ്ഥാനപതി അറിയിച്ചു.