ദുബൈ: തീർഥാടകർക്ക് നൽകേണ്ട താമസ സൗകര്യങ്ങളിൽ വീഴ്ച വരുത്തിയതിനെ തുടർന്ന് നാല് ഉംറ കമ്പനികളുടെ പ്രവർത്തനം താൽക്കാലികമായി നിർത്തിവെച്ച് സഊദി ഹജ്ജ്-ഉംറ മന്ത്രാലയം. കൂടാതെ, മറ്റ് നിരവധി കമ്പനികൾക്ക് സാമ്പത്തിക പിഴ ചുമത്തുകയും ചെയ്തു.

ഉംറ സേവനദാതാക്കൾ അവരുടെ അംഗീകൃത പദ്ധതികളിൽ വ്യക്തമാക്കിയ കരാർ പാലിക്കുന്നുണ്ടോ എന്ന് ഉറപ്പാക്കാൻ നടത്തിയ അപ്രതീക്ഷിത പരിശോധനകളിലാണ് ഈ ലംഘനങ്ങൾ കണ്ടെത്തിയത്. ചില കമ്പനികൾ തീർഥാടകർക്ക് വാഗ്ദാനം ചെയ്ത താമസ സൗകര്യങ്ങൾ നൽകുന്നതിൽ പരാജയപ്പെട്ടതായി മന്ത്രാലയം കണ്ടെത്തി.

ALSO READ: ഉപയോ​ഗിച്ച് പഴകിയ ടയറുകൾ മാറ്റിക്കോളൂ; പണം ലാഭിക്കാമെന്ന് കരുതി നമ്മൾ കാണിക്കുന്ന അശ്രദ്ധ നമുക്ക് തന്നെ അപകടമായി മാറാം; മുന്നറിയിപ്പുമായി അബൂദബി പൊലിസ്

“ഈ ലംഘനങ്ങൾ സേവനദാതാക്കളുമായി ഒപ്പുവെച്ച കരാറുകൾക്ക് വിരുദ്ധമാണ്. തീർഥാടകർക്ക് വേണ്ട മാനദണ്ഡങ്ങൾ പാലിക്കപ്പെടണമെന്നാണ് ഞങ്ങൾ പ്രതീക്ഷിക്കുന്നത്,” മന്ത്രാലയം ഒരു പ്രസ്താവനയിൽ വ്യക്തമാക്കി. “തീർഥാടകരുടെ സൗകര്യവും സുരക്ഷയും അന്തസും ഉറപ്പാക്കുക എന്നത് ഞങ്ങളുടെ പ്രഥമ മുൻഗണനയാണ്.”

ലംഘനങ്ങളുടെ തീവ്രതയും ആവർത്തനവും അനുസരിച്ച് പിഴകൾ വ്യത്യാസപ്പെടുന്നു. നാല് കമ്പനികളുടെ പ്രവർത്തനം നിർത്തിവെക്കുന്നതിന് പുറമെ, മറ്റ് കമ്പനികൾക്ക് പിഴ ചുമത്തിയെങ്കിലും, കൃത്യമായ തുക മന്ത്രാലയം വെളിപ്പെടുത്തിയിട്ടില്ല. "കരാറിൽ പറഞ്ഞ കാര്യങ്ങൾ നിറവേറ്റുന്നതിൽ അശ്രദ്ധയോ പരാജയമോ സംഭവിച്ചാൽ കടുത്ത പ്രത്യാഘാതങ്ങൾക്ക് കാരണമാകും,"  മന്ത്രാലയം പ്രസ്താവനയിൽ കൂട്ടിച്ചേർത്തു.

The Saudi Hajj and Umrah Ministry has temporarily suspended four Umrah companies due to lapses in providing accommodation services to pilgrims. Additionally, several other companies have been fined for similar service failures. This action is part of the ministry's efforts to ensure that pilgrims receive the highest standard of service and to hold companies accountable for any negligence ¹ ².