എഡ്ബാസ്റ്റൺ: ഇന്ത്യക്കെതിരായ രണ്ടാം ടെസ്റ്റിൽ ഒന്നാം ഇന്നിങ്സിൽ ഇംഗ്ലണ്ട് 407 റൺസിന്‌ പുറത്ത്. മത്സരത്തിൽ ഇന്ത്യ ഉയർത്തിയ 587 റൺസിന്റെ വളരെ അടുത്തെത്തിയിട്ടും ഇംഗ്ലണ്ട് ടീമിനെ തേടിയെത്തിയത് ഒരു മോശം നേട്ടമാണ്. മത്സരത്തിൽ ആറ് ഇംഗ്ലീഷ് താരങ്ങളാണ് പൂജ്യത്തിന് പുറത്തായത്.

ടെസ്റ്റ് ക്രിക്കറ്റിന്റെ ചരിത്രത്തിൽ ഇതാദ്യമായാണ് ഒരു ഇന്നിങ്സിൽ ആറ് ഇംഗ്ലണ്ട് താരങ്ങൾ പൂജ്യത്തിന് മടങ്ങുന്നത്. ഇതിന് മുമ്പ് ടെസ്റ്റിൽ അഞ്ചു താരങ്ങൾ മാത്രമാണ് ഒരു മത്സരത്തിൽ പൂജ്യം റൺസിന്‌ പുറത്തായിട്ടുളൂ. 1954ൽ വെസ്റ്റ് ഇൻഡീസ്, 1956ൽ ഓസ്‌ട്രേലിയ, 1976ൽ വെസ്റ്റ് ഇൻഡീസ്, 2018ൽ ന്യൂസിലാൻഡ് എന്നീ ടീമുകൾക്കെതിരെയാണ് ഇംഗ്ലണ്ട് താരങ്ങൾ ഒരു മത്സരത്തിൽ അഞ്ചു താരങ്ങൾ റൺസ് ഒന്നും നേടാതെ പുറത്തായത്. 

ആറ് വിക്കറ്റുകൾ നേടിയ മുഹമ്മദ് സിറാജാണ് ഇംഗ്ലണ്ടിനെ എറിഞ്ഞിട്ടത്. 19.3 ഓവറിൽ മൂന്ന് മെയ്ഡൻ ഓവറുകൾ ഉൾപ്പെടെ 70 റൺസ് വിട്ടു നൽകിയാണ് സിറാജ് ആറ് വിക്കറ്റുകൾ നേടിയത്. ആകാശ് ദീപ് നാല് വിക്കറ്റുകളും സ്വന്തമാക്കി. 

ഇംഗ്ലണ്ട് ബാറ്റിംഗ് നിരയിൽ ജാമി സ്മിത്തും ഹാരി ബ്രൂക്കും സെഞ്ച്വറി നേടി മികച്ച പ്രകടനമാണ് പുറത്തെടുത്തത്. 207 പന്തിൽ പുറത്താവാതെ 184 റൺസ് ആണ് ജാമി നേടിയത്. 21 ഫോറുകളും നാല് സിക്സുകളും അടങ്ങുന്നതായിരുന്നു താരത്തിന്റെ പ്രകടനം. 234 പന്തിൽ 17 ഫോറുകളും  ഒരു സിക്സും അടക്കം 158 റൺസ് ആണ് ബ്രുക് അടിച്ചെടുത്തത്. 

നേരത്തെ ആദ്യ ഇന്നിങ്സിൽ ബാറ്റ് വീശിയ ഇന്ത്യ 587 റൺസിനാണ് പുറത്തായത്. ഇന്ത്യക്കായി ക്യാപ്റ്റൻ ശുഭ്മൻ ഗിൽ ഡബിൾ സെഞ്ച്വറി നേടി തിളങ്ങി. 387 പന്തിൽ നിന്നും 269 റൺസാണ് ഗില്ലിന്റെ ബാറ്റിൽ നിന്നും പിറന്നത്. 30 ഫോറുകളും മൂന്ന് സിക്സുകളും അടങ്ങുന്നതാണ് ഗില്ലിന്റെ ഇന്നിംഗ്സ്.

യശ്വസി ജെയ്‌സ്വാൾ, രവീന്ദ്ര ജഡേജ എന്നിവർ അർദ്ധ സെഞ്ച്വറിയും മികച്ച ടോട്ടൽ നേടുന്നതിൽ നിർണായകമായി.107 പന്തിൽ 87 റൺസാണ് ജെയ്‌സ്വാൾ നേടിയത്. 13 ഫോറുകളും ഒരു സിക്‌സും അടങ്ങുന്നതായിരുന്നു താരത്തിന്റെ പ്രകടനം. 137 പന്തിൽ 10 ഫോറുകളും ഒരു സിക്‌സും അടക്കം 89 റൺസാണ് ജഡേജ സ്വന്തമാക്കിയത്.

ഇംഗ്ലണ്ട് ബൗളിങ്ങിൽ ഷോയിബ് ബഷീർ മൂന്ന് വിക്കറ്റുകളും ക്രിസ് വോക്‌സ്‌, ജോഷ് ടംഗ് എന്നിവർ രണ്ട് വിക്കറ്റുകളും നേടി തിളങ്ങി. ബ്രൈഡൺ കാർസെ, ജോ റൂട്ട് എന്നിവർ ഓരോ വിക്കറ്റും നേടി. 

England Cricket Team Craete a Unwanted Record in Test Cricket