മോസ്കോ: ഗസ്സയിൽ സ്ഥിരമായ വെടിനിർത്തൽ ഉറപ്പാക്കുകയാണ് സൗദി അറേബ്യയുടെ പ്രഥമ പരിഗണനയെന്ന് വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ അൽ-സൗദ്. ഇസ്റാഈലുമായുള്ള ബന്ധം സാധാരണ നിലയിലാക്കുന്നതിനെക്കുറിച്ച് മോസ്കോയിൽ നടന്ന വാർത്താ സമ്മേളനത്തിൽ മാധ്യമപ്രവർത്തകർ ചോദിച്ചപ്പോഴാണ് അദ്ദേഹം ഇക്കാര്യം വ്യക്തമാക്കിയത്.

ഗസ്സയിലെ സാധാരണക്കാരായ ജനങ്ങൾ ഇസ്റാഈലിന്റെ അടിച്ചമർത്തലിന് ഇരയാകുന്നതാണ് നാം കാണുന്നത്. ഇത് തീർത്തും അനാവശ്യവും അസ്വീകാര്യവുമാണ്. ഈ സ്ഥിതി അവസാനിപ്പിക്കേണ്ടത് അത്യാവശ്യമാണ്," അദ്ദേഹം പറഞ്ഞു. 2024-ൽ നടത്തിയ പ്രസ്താവനയിൽ, ഫലസ്തീൻ പ്രശ്നത്തിന് പരിഹാരം കാണാതെ ഇസ്റാഈലുമായുള്ള ബന്ധം സാധാരണ നിലയിലാക്കാൻ കഴിയില്ലെന്നും അദ്ദേഹം വ്യക്തമാക്കിയിരുന്നു. 2023 ഒക്ടോബർ 7-ന് ഹമാസ് ഇസ്റഈലിനെതിരെ നടത്തിയ ആക്രമണത്തിന് ശേഷം, ഇസ്റഈലിന്റെ പ്രത്യാക്രമണത്തിൽ 57,000-ത്തിലധികം ഫലസ്തീനികൾ കൊല്ലപ്പെട്ടതായി ഗസ്സയിലെ ആരോഗ്യ മന്ത്രാലയം വെളിപ്പെടുത്തി. ഇസ്റഈൽ കണക്കുകൾ പ്രകാരം, ഹമാസിന്റെ ആക്രമണത്തിൽ 1,200 പേർ കൊല്ലപ്പെടുകയും 250-ലധികം പേർ ബന്ദികളാക്കപ്പെടുകയും ചെയ്തു.

2020-ലെ അബ്രഹാം കരാറുകളുടെ അടിസ്ഥാനത്തിൽ, ഇസ്റാഈലും നിരവധി അറബ് രാജ്യങ്ങളും തമ്മിൽ നയതന്ത്ര ബന്ധം സ്ഥാപിക്കാൻ യുഎസ് ശ്രമിച്ചുവരികയാണ്. എന്നാൽ, 1967-ലെ അതിർത്തികളിൽ കിഴക്കൻ ജറുസലേമിനെ തലസ്ഥാനമായി അംഗീകരിച്ച് ഒരു സ്വതന്ത്ര ഫലസ്തീൻ രാഷ്ട്രം രൂപീകരിക്കാതെ ഇസ്റാഈലുമായുള്ള ബന്ധം സാധാരണ നിലയിലാക്കാൻ കഴിയില്ലെന്നാണ് സൗദി അറേബ്യയുടെ നിലപാട്.

Saudi Foreign Minister Prince Faisal bin Farhan Al Saud emphasized that establishing an independent Palestinian state and securing a permanent ceasefire in Gaza are top priorities for Saudi Arabia, stating that normalization of ties with Israel is not possible without resolving the Palestinian issue