പുണെ: മഹാരാഷ്ട്രയിലെ പുണെയിൽ ഡെലിവറി ഏജന്റാണെന്ന് പറഞ്ഞ് അപാര്‍ട്‌മെന്റിലെത്തി 22 കാരിയെ ബലാത്സംഗം ചെയ്തെന്ന കേസിൽ അപ്രതീക്ഷിത വെളിപ്പെടുത്തൽ. പൊലിസ് കസ്റ്റഡിയിലുള്ള പ്രതി യുവതിയുടെ സുഹൃത്താണെന്നും, യുവതിയുടെ ഫോണിൽ കണ്ടെത്തിയ സെൽഫി പരാതിക്കാരി തന്നെ എടുത്തതാണെന്നും പൊലിസ് വെളിപ്പെടുത്തി.

ALSO READ: ഇന്ത്യ-യുഎസ് വ്യാപാര കരാർ: സമയ പരിധി നിശ്ചയിച്ച് ഇന്ത്യ ഇപ്പോൾ ഒരു കരാറിലും ഏർപ്പെടുന്നില്ല; കേന്ദ്ര വാണിജ്യ മന്ത്രി പീയുഷ് ഗോയൽ

പുണെയിലെ കൊന്ദ്‌വ പ്രദേശത്ത് ബുധനാഴ്ച വൈകിട്ടാണ് സംഭവം നടന്നത്. 22 കാരിയായ ഒരു ഐ.ടി. ജീവനക്കാരിയാണ് തനിക്കെതിരെ ബലാത്സംഗം നടന്നതായി പരാതി നൽകിയത്. കുറിയർ എത്തിക്കാനെന്ന വ്യാജേന ഒരു യുവാവ് തന്റെ ഫ്ലാറ്റിൽ എത്തി, ബലപ്രയോഗത്തിലൂടെ വീട്ടിനുള്ളിൽ കടന്ന് യുവതിയുടെ മുഖത്ത് ഇയാള്‍ കുരുമുളക് സ്‌പ്രേ അടിച്ച് തന്നെ ബലാത്സംഗം ചെയ്യുകയായിരുന്നുവെന്നും, കൃത്യം നടത്തിയതിന് ശേഷം തന്റെ മൊബൈലില്‍ അവശയായി കിടക്കുന്ന ഫോട്ടോ എടുത്ത് താന്‍ ഇനിയും വരുമെന്ന് എഴുതിവെക്കുകയും ചെയ്താണ് ഇയാള്‍ സ്ഥലം വിട്ടതെന്നുമാ‌യിരുന്നു യുവതിയുടെ പരാതി.

പ്രതിയെ കസ്റ്റഡിയിലെടുത്ത ശേഷം, പൊലിസ് നടത്തിയ അന്വേഷണത്തിൽ യുവതി തന്നെയാണ് സെൽഫി എടുത്തതെന്ന് കണ്ടെത്തി. ആദ്യം പ്രതിയുടെ മുഖം വ്യക്തമായി കാണിച്ചിരുന്ന ഈ സെൽഫി, യുവതി എഡിറ്റ് ചെയ്യുകയും ഭീഷണിപ്പെടുത്തുന്ന സന്ദേശം സ്വയം ടൈപ്പ് ചെയ്യുകയും ചെയ്തതായി പൊലിസ് വെളിപ്പെടുത്തി.

ALSO READ: നെല്ലിമുണ്ടയിൽ കരടി, വാളത്തൂരിൽ പുലി ആശങ്കയൊഴിയാതെ മേപ്പാടി, റിപ്പൺ മേഖല

നേരത്തെ സംശയിച്ചിരുന്നതുപോലെ യുവതിയെ അബോധാവസ്ഥയിലാക്കാൻ യാതൊരു രാസവസ്തുക്കളും ഉപയോഗിച്ചിട്ടില്ലെന്ന് പൊലിസ് വ്യക്തമാക്കി.

"യുവതി എന്തിനാണ് ബലാത്സംഗ ആരോപണം ഉന്നയിച്ചതെന്ന് ഞങ്ങൾ ഇപ്പോഴും പരിശോധിച്ചുവരികയാണ്. യുവതിയുടെ മാനസികാവസ്ഥ നിലവിൽ തൃപ്തികരമല്ലാത്തതിനാൽ അന്വേഷണം തുടരുകയാണ്," പൊലിസ് കമ്മീഷണർ പറഞ്ഞു. "ബലാത്സംഗം സംബന്ധിച്ച ആരോപണം ഇപ്പോഴും അന്വേഷണത്തിലാണ്," അദ്ദേഹം കൂട്ടിച്ചേർത്തു.

A 22-year-old woman in Pune alleged she was raped by a man who claimed to be a delivery agent. However, the investigation took an unexpected turn when police revealed that the accused is a friend of the woman, and a selfie found on her phone was taken by her, raising questions about the case [1].