തിരുവനന്തപുരം: സി.പി.എം സംസ്ഥാന നേതൃത്വത്തിന് തലമുറമാറ്റം. 89 അംഗ സംസ്ഥാന സമിതി16 പേര്‍ പുതുമുഖങ്ങളാണ് ഇടംപിടിച്ചിരിക്കുന്നത്. എം.എം.വര്‍ഗീസ്, എ.വി.റസ്സല്‍, ഇ.എന്‍.സുരേഷ്ബാബു, സി.വി.വര്‍ഗീസ്, പനോളി വത്സന്‍, രാജു എബ്രഹാം, എ.എ.റഹീം, വി.പി.സാനു, ഡോ.കെ.എന്‍.ഗണേഷ്, കെ.എസ്.സലീഖ, കെ.കെ.ലതിക, പി.ശശി, കെ.അനില്‍കുമാര്‍, വി.ജോയ്, ഒ.ആര്‍.കേളു, ഡോ.ചിന്ത ജെറോം എന്നിവരാണ് പുതുതായി കമ്മിറ്റിയിലെത്തിയത്.

ജി സുധാകരന്‍ ഉള്‍പ്പെടെ 13 പേരെയാണ് കമ്മിറ്റിയില്‍ നിന്നും ഒഴിവാക്കിയത്. പി.കരുണാകരന്‍, വൈക്കം വിശ്വന്‍, ആനത്തലവട്ടം ആനന്ദന്‍, കെ.ജെ.തോമസ്, എം.എം.മണി, എം.ചന്ദ്രന്‍, കെ.അനന്ത ഗോപന്‍, ആര്‍.ഉണ്ണികൃഷ്ണപിള്ള, ജി.സുധാകരന്‍, കോലിയക്കോട് കൃഷ്ണന്‍നായര്‍, സി.പി.നാരായണന്‍, ജെയിംസ് മാത്യൂ എന്നിവരാണ് ഒഴിവായത്.

അതേസമയം സിപിഎം സംസ്ഥാന സമ്മേളനം ഇന്നവസാനിക്കും. സെക്രട്ടറിയായി കോടിയേരിയെ നിലനിര്‍ത്താന്‍ തന്നെയാണ് സി.പി.എം സംസ്ഥാന നേതൃത്വത്തിന്റെ തീരുമാനം.