കല്‍പ്പറ്റ: പുതുക്കിയ റേഷന്‍ കാര്‍ഡ് കാലതാമസമില്ലാതെ വിതരണം ചെയ്യണമെന്ന് സിവില്‍ സപ്ലൈസ് ഓഫിസേഴ്‌സ് സമ്മേളനം ആവശ്യപ്പെട്ടു. സി.പി.ഐ.ജില്ലാ സെക്രട്ടറി വിജയന്‍ ഉദ്ഘാടനം ചെയ്തു. റേഷന്‍ കാര്‍ഡ് പുതുക്കല്‍ നടപടികള്‍ ആരംഭിച്ച് രണ്ടുവര്‍ഷം കഴിഞ്ഞിട്ടും പുതിയ റേഷന്‍ കാര്‍ഡ് വിതരണം നടത്തിയിട്ടില്ല. റേഷന്‍കാര്‍ഡ് പുതുക്കല്‍ ജോലികള്‍ ആരംഭിച്ചത് മുതല്‍ നിലവിലുള്ള റേഷന്‍കാര്‍ഡില്‍ കൂട്ടിചേര്‍ക്കലുകളോ, തിരുത്തലുകളോ ഒന്നുംതന്നെ നടത്താന്‍ കഴിയാത്ത സാഹചര്യമാണ്. പാസ്‌പോര്‍ട്ട്, പഞ്ചായത്തിലെ ആനുകൂല്യങ്ങള്‍ തുടങ്ങിയ വിവിധ ആവശ്യങ്ങള്‍ നടത്താന്‍ കഴിയാതെ ജനങ്ങള്‍ ബുദ്ധിമുട്ടുകയാണ്. ഭാരവാഹികളായി എ ശ്രീനിവാസന്‍(പ്രസി), രാജേന്ദ്രപ്രസാദ്(സെക്ര), കെ.കെ ജയേഷ് (ട്രഷ), ജോഷി മാത്യു(ജോ.സെക്ര) എന്നിവരെ തെരഞ്ഞെടുത്തു.