ചണ്ഡിഗഡ്: പഞ്ചാബിലെ 117 നിയമസഭ സീറ്റുകളിലേക്കുള്ള വോട്ടെണ്ണല്‍ പുരോഗമിക്കവെ പ്രതീക്ഷയില്‍ രാഷ്ട്രീയ പാര്‍ട്ടികള്‍. അധികാരം പിടിക്കാം എന്ന ശുഭപ്രതീക്ഷയില്‍ പോരാട്ടത്തിനിറങ്ങിയ ആം ആദ്മി പാര്‍ട്ടി തന്നെയാണ് മുന്നിലുള്ളത്.

നിലവില്‍ ആപ് മുന്നേറ്റം തുടരുകയാണ്. തൊട്ടുപിന്നിലായത്തെയുണ്ട് കോണ്‍ഗ്രസ്. ശിരോമണി അകാലിദളും ബി.ജെ.പിയും കൂടെയുണ്ട്.

അതിനിടെ, പഞ്ചാബ് മുന്‍ മുഖ്യമന്ത്രിയും കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥിയുമായ ചരണ്‍ജിത്ത് ചന്നിയും ആപിന്റെ മുഖ്യമന്ത്രി സ്ഥാനാര്‍ത്ഥി ഭഗവന്ത് മനും ഗുരുദ്വാരകള്‍ സന്ദര്‍ശിച്ച് പ്രത്യേക പ്രാര്‍ത്ഥനകള്‍ നടത്തി.