കൊല്ലം: സി.പി.ഐ സ്ഥാനാര്‍ഥി നിര്‍ണയം പൂര്‍ത്തിയായതിന് പിന്നാലെ ചടയമംഗലത്ത് വീണ്ടും പ്രവര്‍ത്തകരുടെ പ്രതിഷേധം. ജെ.ചിഞ്ചുറാണിക്കെതിരേയാണ് സി.പി.ഐ പ്രവര്‍ത്തകര്‍ മുദ്രാവാക്യവുമായി രംഗത്തിറങ്ങിയത്. ഇതിന് മുന്‍പും ചിഞ്ചുറാണിയെ സ്ഥാനാര്‍ഥിയാക്കുമെന്ന സൂചന ലഭിച്ച സാഹചര്യത്തില്‍ പ്രവര്‍ത്തകര്‍ പ്രതിഷേധിച്ചിരുന്നു. പിന്നീട് പ്രാദേശിക,ജില്ലാ നേതൃത്വത്തിന്റെ എതിര്‍പ്പുകളെ മറികടന്ന് സംസ്ഥാന നേതൃത്വം ചിഞ്ചുറാണിയില്‍ തന്നെ സ്ഥാനാര്‍ഥിയായി പ്രഖ്യാപിക്കുകയായിരുന്നു.

ജില്ലയിലെ നാല് സിപിഐ സ്ഥാനാര്‍ഥികളില്‍ ഒരാള്‍ വനിതയാവണമെന്ന തീരുമാനത്തെ തുടര്‍ന്നാണ് ഇവിടെ ചിഞ്ചുറാണിയെ മത്സരിപ്പിക്കാന്‍ തീരുമാനിച്ചത്.