പനങ്ങാട്:  നെട്ടൂര്‍ എക്‌സ്‌ചേഞ്ചിന് കീഴിലുള്ള  പനങ്ങാട്, മാടവന, ഉദയത്തും വാതില്‍ എന്നീ പ്രദേശങ്ങളില്‍ ബി.എസ്.എന്‍.എല്‍ ലാന്റ് ഫോണുകള്‍ വ്യാപകമായി തകരാറിലായതായതിനെതിരെ പ്രദേശവാസികളുടെ പ്രതിഷേധം ശക്തമാകുന്നു. ഇവിടെ മാസങ്ങളായി ടെലഫോണുകള്‍ നിശ്ചലമാണ്. പരാതി എഴുതി നല്‍കിയിട്ടും പരിഹക്കുന്നതിന് അധികൃതര്‍ തയ്യാറാവുന്നില്ലെന്ന് നാട്ടുകാര്‍ പറയുന്നു. ഇവിടെ പലരും ഫോണ്‍ ഉപേക്ഷിച്ചു കഴിഞ്ഞു. ശേഷിക്കുന്നവര്‍ ഇനിയും പരാതി പരിഹരിക്കുമെന്ന പ്രതീക്ഷയിലാണ്.