ന്യുഡല്‍ഹി: അഞ്ചിടത്തെ നിയമസഭാ ഫലം പുറത്തുവന്നതോടെ കോണ്‍ഗ്രസിലെ കലഹം കലാപത്തിലേക്ക് നീങ്ങുന്നു.
കോണ്‍ഗ്രസില്‍ ഗ്രൂപ്പ് യോഗങ്ങള്‍ ചേര്‍ന്ന് കടുത്ത നിലപാടുമായി മുന്നോട്ടുവന്നിരിക്കുകയാണ് നേതാക്കള്‍.
ഗുലാം നബി ആസാദിന്റെ വീട്ടില്‍ യോഗം ചേര്‍ന്ന ജി 23 നേതാക്കള്‍ നേതൃമാറ്റം ആവശ്യപ്പെട്ടു. മാറ്റമില്ലാതെ കോണ്‍ഗ്രസിന് മുന്നോട്ടുപോകാനാകില്ലെന്നും പ്രവര്‍ത്തക സമിതി അടിയന്തരമായി വിളിക്കണമെന്നും കപില്‍ സിബല്‍, ആനന്ദ് ശര്‍മ്മ, മനീഷ് തിവാരി എന്നിവരടക്കം പങ്കെടുത്ത യോഗമാണ് ആവശ്യമുയര്‍ത്തിയിരിക്കുന്നത്.
ഗാന്ധി കുടുംബം നേതൃത്വത്തില്‍ നിന്ന് മാറണമെന്നും ജനറല്‍ സെക്രട്ടറി കെ.സി വേണുഗോപാല്‍ രാജിവയ്ക്കണമെന്നുമുള്ള ആവശ്യം നേതാക്കള്‍ ശക്തമാക്കിയിട്ടുണ്ട്.