കോഴിക്കോട്: സന്തോഷ് ട്രോഫി ഫുട്‌ബോള്‍ ഗ്രൂപ്പ് മത്സരത്തില്‍ കേരളത്തിനു തുടര്‍ച്ചയായ മൂന്നാം ജയം. കോഴിക്കോട് ഇഎംഎസ് കോര്‍പറേഷന്‍ സ്റ്റേഡിയത്തില്‍ ആന്ധ്രപ്രദേശിനെ എതിരില്ലാത്ത അഞ്ച് ഗോളുകള്‍ക്കാണ് കേരളം തോല്‍പ്പിച്ചത്.

15-ാം മിനിറ്റില്‍ നിജോ ഗില്‍ബര്‍ട്ടിലൂടെ കേരളം ആദ്യ ഗോള്‍ നേടി.പിന്നാലെ മുഹമ്മദ് സലിം, അബ്ദു റഹിം, വിശാഖ് മോഹനന്‍, എം.വിഘ്‌നേശ് എന്നിവരും കേരളത്തിനായി സ്‌കോര്‍ ചെയ്തു.

ഇതോടെ ഗ്രൂപ്പില്‍ കേരളം 9 പോയിന്റുമായി ഒന്നാം സ്ഥാനം നിലനിര്‍ത്തി. കഴിഞ്ഞ കളിയില്‍നിന്ന് മാറ്റങ്ങളുമായാണ് കേരളം ഇറങ്ങിയത്. എം.വിഘ്‌നേശാണ് ടീമിനെ നയിച്ചത്.