കീവ്: കീവിന് സമീപമുണ്ടായ വെടിവെപ്പില്‍ അമേരിക്കന്‍ മാധ്യമ പ്രവര്‍ത്തകന്‍ കൊല്ലപ്പെട്ടതായി എ എഫ് പി റിപ്പോര്‍ട്ട് ചെയ്തു. കീവിന്റെ വടക്കുപടിഞ്ഞാറന്‍ പ്രദേശമായ ഇര്‍പിനിലാണ് സംഭവം.

ഇവിടെ റഷ്യ ഉക്രൈന്‍ സൈനികര്‍ തമ്മില്‍ രൂക്ഷമായ ഏറ്റുമുട്ടല്‍ നടക്കുകയാണ്. റഷ്യന്‍ ആക്രമണത്തിന് ശേഷം ഇതാദ്യമായാണ് ഉക്രൈനില്‍ വിദേശ മാധ്യമ പ്രവര്‍ത്തകന്‍ കൊല്ലപ്പെട്ട വാര്‍ത്ത പുറത്തുവരുന്നത്. മറ്റൊരു മാധ്യമ പ്രവര്‍ത്തകന് പരുക്കേറ്റിട്ടുണ്ട്.