റിയാദ്: സഊദി അറേബ്യയിലെ റമദാൻ മാസത്തിലെയും ഈ വർഷത്തെ ഈദുൽ ഫിത്വർ, ഈദുൽ അദ്ഹ അവധി ദിനങ്ങളും പ്രവർത്തന സമയം പ്രഖ്യാപിച്ചു. റമദാൻ മാസത്തിൽ ബാങ്കുകളുടെ ദൈനംദിന പ്രവൃത്തി സമയം രാവിലെ 10 മുതൽ വൈകുന്നേരം 4 വരെയും മണി എക്സ്ചെഞ്ച് ഉൾപ്പെടെയുള്ള സാമ്പത്തിക കൈമാറ്റ കേന്ദ്രങ്ങളുടെ ദൈനംദിന പ്രവൃത്തി സമയം രാവിലെ 9:30 മുതൽ വൈകുന്നേരം 5:30 വരെയുമുള്ള ഏതെങ്കിലും 6 ആറു മണിക്കൂർ സമയത്തുമായിരിക്കും. ഈ ആറു മണിക്കൂർ സമയം ബാങ്കുകൾക്ക് തിരഞ്ഞെടുക്കാം.

2022 ഏപ്രിൽ 29 മുതൽ മെയ് ഏഴ് വരെ ആയിരിക്കും ഈദുൽ ഫിത്വർ അവധി ദിനം. മെയ് എട്ട് ഞായറാഴ്ച ബാങ്കുകൾ ജോലി പുനഃരാരംഭിക്കും. 2022 ജൂലൈ 7 വ്യാഴം മുതൽ ജൂലൈ 12 വരെ ആയിരിക്കും ബലിപെരുന്നാൾ ബാങ്ക് അവധി ദിനങ്ങൾ. ജൂലൈ 13-ന് പ്രവൃത്തി ദിനം പുനഃരാരംഭിക്കും. .

തീർത്ഥാടകർക്കും സന്ദർശകർക്കും സേവനം നൽകുന്നതിനായി ബാങ്കുകളുടെ ഓഫീസുകളും മക്കയിലെയും മദീനയിലെയും കേന്ദ്രങ്ങളും ഹജ്ജ് സീസണിൽ വെള്ളി, ശനി ദിവസങ്ങളിൽ തുടർച്ചയായി തുറന്ന് പ്രവർത്തിക്കും. ജനത്തിരക്കേറിയതുമായ പ്രദേശങ്ങളിലും നിശ്ചിത സമയങ്ങളിൽ പണമിടപാട് കേന്ദ്രങ്ങളും ബാങ്കുകൾ അവരുടെ ശാഖകളും തുറക്കണമെന്നും നിർദേശമുണ്ട്.