തിരുവനന്തപുരം: ഏക രാജ്യസഭാ സീറ്റിലേക്കൊരാളെ തിരഞ്ഞെടുക്കാനാകാതെ വിയര്‍ത്ത് കോണ്‍ഗ്രസ് നേതൃത്വം. നേരത്തെ കെ.വി തോമസടക്കം നിരവധിപേരാണ് ഈ സീറ്റിനുവേണ്ടി അവകാശവാദം ഉന്നയിച്ചത്. യൂത്ത് കോണ്‍ഗ്രസ് വയോജനകേന്ദ്രമാക്കി രാജ്യസഭയെ മാറ്റരുതെന്നും കോണ്‍ഗ്രസ് നേതൃത്വത്തിന് കത്തയച്ചിരുന്നു. ഇപ്പോള്‍ എം.ലിജുവിന്റെ പേരും പറഞ്ഞുകേള്‍ക്കുന്നു. എന്നാല്‍ ലിജുവിനെതിരേയും പരാതിയുണ്ട്. കെ.സി വേണുഗോപാല്‍ വിഭാഗം നേതാക്കളും കെ. മുരളീധരനുമാണ് ലിജുവിനെതിരേ രംഗത്തുള്ളത്. കെ.സുധാകരന്റെ നോമിനിയാണ് എം. ലിജുവെന്നാണ് ആരോപണം.
സമീപകാല തെരഞ്ഞെടുപ്പുകളില്‍ തോറ്റവരെ രാജ്യസഭയിലേക്ക് പരിഗണിക്കരുതെന്ന് കെ.മുരളീധരന്‍ ഹൈക്കമാന്‍ഡിന് കത്തയച്ചു.പരാജയപ്പെട്ടവരെ പരിഗണിക്കരുതെന്നും തെരഞ്ഞെടുപ്പില്‍ തോറ്റവര്‍ ആ മണ്ഡലങ്ങളില്‍ പോയി ജോലി ചെയ്യണമെന്നുമാണ് മുരളീധരന്‍ പറയുന്നത്.

ലിജു അടക്കം തോറ്റവരെ പരിഗണിക്കരുതെന്ന് ആവശ്യപ്പെട്ട് കെ.സി വേണുഗോപാലിനെ അനുകൂലിക്കുന്ന കെപിസിസി ഭാരവാഹികള്‍ എഐസിസിക്കും കത്തയച്ചിട്ടുണ്ട്.