മേപ്പാടി(വയനാട്):കള്ളാടി തുരങ്കപാത പദ്ധതി പ്രദേശത്തുണ്ടായ മണ്ണിടിച്ചിലില്‍ കാണാതായ അവസാനത്തെ ആളുടെ മൃതദേഹവും കണ്ടെത്തി. കരാര്‍ കമ്പനിയുടെ കണ്‍സ്ട്രക്ഷന്‍ മാനേജര്‍ ഹിമാചല്‍പ്രദേശ് സ്വദേശി ബിക്രംസിങ് റാണയുടെ മൃതദേഹമാണ് കണ്ടെത്തിയത്.

മീനാക്ഷിപ്പുഴയുടെ കരയില്‍നിന്ന് ഫയര്‍ഫോഴ്‌സ് ആണ് മൃതദേഹം കണ്ടെത്തിയത്. ഇതോടെ മണ്ണിടിച്ചില്‍ ദുരന്തത്തില്‍പ്പെട്ട് മരിച്ചവരുടെ എണ്ണം എട്ടായി. ദുരന്തം കഴിഞ്ഞ് ആറാം ദിവസമാണ് അവസാനത്തെ മൃതദേഹവും കണ്ടെത്തിയിരിക്കുന്നത്. 
  
മണ്ണിടിച്ചില്‍ പ്രദേശത്തെ സോണ്‍ രണ്ട്, സോണ്‍ നാല് എന്നിവ കേന്ദ്രീകരിച്ചായിരുന്നു ഊര്‍ജിത തിരച്ചില്‍ നടത്തിയത്. അപകടസമയത്തെ വീഡിയോ ദൃശ്യത്തില്‍ ഇദ്ദേഹം അകപ്പെടുന്നത് വ്യക്തമായിരുന്നു. തുടര്‍ന്നാണ് ഈ രണ്ട് സോണുകള്‍ കേന്ദ്രീകരിച്ച് ഊര്‍ജിത തിരച്ചില്‍ നടത്തിയത്. 

മണ്ണിടിച്ചില്‍ ദുരന്തത്തില്‍ അകപ്പെട്ട 18 പേരില്‍ 10 പേര്‍ പരുക്കുകളോടെ മേപ്പാടി ഡോ. മൂപ്പന്‍സ് മെഡിക്കല്‍ കോളജ് ആശുപത്രിയില്‍ ചികിത്സയിലാണ്. 

ദിലിപ് ബില്‍ഡ്കോണ്‍ ലിമിറ്റഡ് കമ്പനി ജീവനക്കാരായ ഉത്തര്‍പ്രദേശ് സ്വദേശി അസ്ഹറുദ്ദീന്‍ അന്‍സാരി (സര്‍വെയര്‍), ഹിമാചല്‍പ്രദേശ് സ്വദേശി രാഹുല്‍ ശര്‍മ്മ (എന്‍ജിനീയര്‍), ബീഹാര്‍ സ്വദേശി മുഹമ്മദ് ഇമ്രാന്‍ (എസ്‌കവേറ്റര്‍ ഓപറേറ്റര്‍), മധ്യപ്രദേശ് സ്വദേശി ചന്ദ്ര ബാന്‍ (ഓപ്പറേറ്റര്‍), ബിഹാര്‍ സ്വദേശി ബികാഷ് കുമാര്‍ (സിവില്‍ ഫോര്‍മാന്‍), ജാര്‍ഖണ്ഡ് സ്വദേശി അന്‍മോല്‍ (സിവില്‍ ഫോര്‍മാന്‍), പശ്ചിമബംഗാള്‍ സ്വദേശി രാകേഷ് ഗുച്ചൈത് (സര്‍വെയര്‍) എന്നിവരാണ് അപകടത്തില്‍ മരിച്ച മറ്റുള്ളവര്‍.

The body of the last person reported missing in the Kalladi tragedy has been recovered, bringing the death toll to eight. Rescue teams completed the search operation after locating the final victim. The incident has shocked the local community, with authorities continuing their investigation into the circumstances surrounding the tragedy while extending support to the victims' families.