തവനൂര്‍: ആരാ നമ്മുടെ സ്ഥാനാര്‍ഥി? തവനൂര്‍ മണ്ഡലം എല്‍.ഡി.എഫ് സ്ഥാനാര്‍ഥി കെ.ടി ജലീല്‍ തന്റെ കൈയ്യിലിരുന്ന കുഞ്ഞിനോട് ചോദിച്ചു. 'ഫിറോസിക്ക' ഒരു ഭാവഭേദവുമില്ലാതെ കുഞ്ഞ് പറഞ്ഞു.

തവനൂരില്‍ മണ്ഡലപര്യടനത്തിനിടെയാണ് കെ.ടി ജലീലിന് ' തിരിച്ചടി' നേരിട്ടത്. ഇതിന്റെ വീഡിയോ സമൂഹമാധ്യമങ്ങളില്‍ വൈറലായിരിക്കുകയാണ്. ഇത്തരത്തില്‍ തെരഞ്ഞെടുപ്പ് കാലത്ത് സ്ഥാനാര്‍ഥികള്‍ക്ക് മണ്ഡല പര്യടനത്തിനിടെ പല അമളികള്‍ പറ്റുന്നതും സമൂഹമാധ്യമങ്ങളില്‍ വൈറലാകുന്നതും സാധാരണമാണ്.

[playlist type="video" ids="935241"]

കുട്ടിയുടെ അപ്രതീക്ഷിത മറുപടിയില്‍ ഒന്ന് പതറിയെങ്കിലും ചിരിച്ചുകൊണ്ടാണ് അദ്ദേഹം സന്ദര്‍ഭത്തെ നേരിട്ടത്. രണ്ട് തവണ ആവര്‍ത്തിച്ച് ചോദിച്ചപ്പോഴും കുട്ടിയുടെ മറുപടി ഒന്നുതന്നെയായിരുന്നു.

തവനൂരില്‍ കെ.ടി ജലീലാണ് എല്‍.ഡി.എഫ് സ്ഥാനാര്‍ഥിയായി മത്സരിക്കുന്നത്. ഫിറോസ് കുന്നംപറമ്പിലാണ് യു.ഡി.എഫ് സ്ഥാനാര്‍ഥി.