ഈരാറ്റുപേട്ട: ഇരാറ്റുപേട്ടയില്‍ എല്‍.ഡി.എഫ് പ്രചരാണ ജാഥയുടെ ഇടയിലേക്ക് വാഹനം പാഞ്ഞുകയറി അപകടം. പൂഞ്ഞാറിലെ എല്‍.ഡി.എഫ് സ്ഥാനാര്‍ഥി സെബാസ്റ്റ്യന്‍ കുളത്തുങ്കലിന്റെ പ്രചാരണത്തിനിടെയാണ് അപകടം.

ബൈക്ക് റാലിയുമായി എത്തിയ പ്രവര്‍ത്തകര്‍ക്കിടയിലേക്ക് കാര്‍ പാഞ്ഞു കയറുകയായിരുന്നു. ഇടിയുടെ ആഘാതത്തില്‍ തെറിച്ചുവീണ എല്‍.ഡി.എഫ് പ്രവര്‍ത്തകരായ പി.കെ തോമസ് പുളിമൂട്ടില്‍, ഷിബു എന്നിവരെ് ഈരാറ്റുപേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

അപകടത്തിനു ശേഷം നിര്‍ത്താതെ പോയ വാഹനം പി.സി ജോര്‍ജിന്റെ മകന്‍ ഷോണ്‍ ജോര്‍ജിന്റേതാണെന്ന് ആരോപണം ഉയര്‍ന്നിട്ടുണ്ട്. സംഭവത്തില്‍ പ്രതിഷേധിച്ച് എല്‍.ഡി.എഫ് പ്രവര്‍ത്തകര്‍ ഷോണ്‍ ജോര്‍ജിന്റെ വീട്ടിലേക്ക് മാര്‍ച്ച് നടത്തി. മാര്‍ച്ച് പൊലിസ് തടഞ്ഞു.