തിരുവനന്തപുരം: കെ റെയില്‍ കല്ലിടലിനെതിരെ പ്രതിഷേധം ശക്തമാവുമ്പോഴും കല്ലിടല്‍ നിര്‍ത്തിവെക്കില്ലെന്ന് കെ റെയില്‍ എംഡി വി.അജിത്ത് കുമാര്‍.

ഭൂമി ഏറ്റെടുക്കല്‍ നടപടികളല്ല, മറിച്ച് സാമൂഹിക ആഘാത പഠനത്തിനുള്ള നടപടികള്‍ മാത്രമാണ് നടക്കുന്നത്. സാമൂഹിക ആഘാത പഠന റിപ്പോര്‍ട്ട് സര്‍ക്കാര്‍ അംഗീകരിച്ച ശേഷമേ ഭൂമി ഏറ്റെടുക്കാനാവൂ എന്ന് കെ റെയില്‍ എംഡി പറഞ്ഞു.

കല്ല് പിഴുതെടുത്ത സ്ഥലങ്ങളില്‍ വീണ്ടും കല്ലിടേണ്ടതുണ്ട്. ഇപ്പോള്‍ നടക്കുന്ന കല്ലിടലിന് ഹൈക്കോടതിയുടെ അനുമതി കൂടി ഉണ്ട്. കേരളത്തില്‍ എല്ലാ പദ്ധതികളുടെയും സാമൂഹികാഘാത പഠനത്തിന് കല്ലുകള്‍ ഇടുന്നുണ്ടെന്നും അദ്ദേഹം പറഞ്ഞു.