തിരുവനന്തപുരം: കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടന്ന ഇന്ത്യ ശ്രീലങ്ക ഏകദിനം മത്സരത്തില്‍ കാണികള്‍ കുറഞ്ഞതിന് കായികമന്ത്രി വി. അബ്ദുറഹിമാനെ വിമര്‍ശിച്ച് മുതിര്‍ന്ന സിപിഐ നേതാവ് പന്ന്യന്‍ രവീന്ദ്രന്‍. കായിക മന്ത്രിയുടെ പട്ടിണി കിടക്കുന്നവര്‍ കളികാണേണ്ട എന്ന പരാമര്‍ശം വരുത്തിവെച്ച വിന ഇന്നലെ നേരില്‍കണ്ടെന്ന് പന്ന്യന്‍ രവീന്ദ്രന്‍ കുറ്റപ്പെടുത്തി.

നാല്‍പതിനായിരത്തോളം ടിക്കറ്റ് വിറ്റ സ്ഥലത്ത് ആറായിരമായി ചുരുങ്ങിയതില്‍ വന്ന നഷ്ടം കെ സി എ ക്ക് മാത്രമല്ല സര്‍ക്കാറിന് കൂടിയാണെന്ന് പരാമര്‍ശക്കാര്‍ ഇനിയെങ്കിലൂം മനസ്സിലാക്കണമെന്നും അദ്ദേഹം ഫേസ്ബുക്കില്‍ കുറിച്ചു. മന്ത്രി വിവാദ പ്രസ്താവന നടത്തിയുടന്‍ തന്നെ ഇത് ശരിയല്ലെന്ന പ്രതികരണവുമായി പന്ന്യന്‍ രവീന്ദ്രന്‍ ഫേസ് ബുക്കില്‍ കുറിപ്പെഴുതിയിരുന്നു.