തലശ്ശേരി: സ്വന്തം സ്ഥാനാര്‍ഥിയുടെ പത്രിക തള്ളിയതോടെ വോട്ടുകള്‍ എന്തുചെയ്യുമെന്നറിയാതെ പകച്ചുനിന്ന ബി.ജെ.പിക്ക് മുന്നില്‍ വഴിതുറന്ന് മുന്‍ സി.പി.എം നേതാവ് സി.ഒ.ടി നസീര്‍. തലശ്ശേരി മണ്ഡലത്തില്‍ എല്‍.ഡി.എഫ് സ്ഥാനാര്‍ഥി എ.എന്‍ ഷംസീറിനെതിരെ സ്വതന്ത്രനായി മത്സരിക്കുന്ന സി.ഒ.ടി നസീറിനെ ബി.ജെ.പി പിന്തുണയ്ക്കും.

ഇതുസംബന്ധിച്ച് ചര്‍ച്ച നടത്താന്‍ സി.ഒ.ടി നസീറും ബി.ജെ.പി നേതാക്കളും കൂടിക്കാഴ്ച നടത്തി. നസീറിനെ പിന്തുണയ്ക്കാനുള്ള തീരുമാനം പ്രവര്‍ത്തകര്‍ അംഗീകരിക്കുമെന്ന് ബി.ജെ.പി നേതാവ് എന്‍. ഹരിദാസ് പറഞ്ഞു.