പാലാ: പാലാ നഗരസഭയില്‍ ഭരണപക്ഷ കൗണ്‍സിലര്‍മാര്‍ തമ്മില്‍ കയ്യാങ്കളി. സിപിഎം കേരള കോണ്‍ഗ്രസ് എം കൗണ്‍സിലര്‍മാര്‍ തമ്മില്‍ ഏറ്റുമുട്ടി. കൗണ്‍സില്‍ കൂടുന്നതുമായി ബന്ധപ്പെട്ട തര്‍ക്കമാണ് കയ്യാങ്കളിയില്‍ കലാശിച്ചത്.

വര്‍ഷങ്ങള്‍ക്ക് ശേഷമാണ് പാലാ നഗരസഭ ഇടതുമുന്നണി ഭരിക്കുന്നത്. കേരളാ കോണ്‍ഗ്രസും ഇടതുമുന്നണിയും ഒരുമിച്ചാണ് ഭരിക്കുന്നതെങ്കിലും പലകാര്യങ്ങളിലും അഭിപ്രായഭിന്നത ശക്തമായിരുന്നു. നഗരസഭാ കൗണ്‍സില്‍ ചേര്‍ന്നതോടെ അതിന്റെ നിയമപ്രശ്നം സിപിഎം കൗണ്‍സിലര്‍ ബിനുപുള്ളിക്കകണ്ടം ഉന്നയിച്ചു. എന്നാല്‍ അതിനെ കേരളാ കോണ്‍ഗ്രസ് അംഗം ബൈജു കൊല്ലപ്പറമ്പില്‍ എതിര്‍ത്തു. ഇതോടെ രണ്ടുപേര്‍ തമ്മില്‍ ഏറ്റുമുട്ടുകയായിരുന്നു. സംഭവത്തില്‍ ഇരുവര്‍ക്കും പരുക്കേറ്റു. രണ്ട് വിഭാഗത്തെയും അനുനയിപ്പിക്കാനുള്ള ശ്രമം തുടരുന്നതായാണ് റിപ്പോര്‍ട്ടുകള്‍.