തിരുവനന്തപുരം:  ശശി തരൂരിനെതിരേ രൂക്ഷ വിമര്‍ശനവുമായി കെ.പി.സി.സി പ്രസിഡന്റ് കെ.സുധാകരന്‍. പാര്‍ട്ടി പ്രസിഡന്റായ തന്നെ ഒരിക്കല്‍ പോലും ഫോണില്‍ വിളിക്കാന്‍ ശശി തരൂര്‍ തയ്യാറായിട്ടില്ല. ഇംഗ്ലീഷ് മാധ്യമത്തിന് നല്‍കിയ അഭിമുഖത്തിലാണ് സുധാകരന്‍ തരൂരിനെതിരേ ആഞ്ഞടിച്ചത്.

പാര്‍ട്ടിയുമായി ആലോചിച്ചാവണം എന്തും തീരുമാനിക്കേണ്ടതെന്ന് ശശി തരൂരിനോട് കോണ്‍ഗ്രസ് നേതൃത്വം പറഞ്ഞതാണ്. എന്നാല്‍ ശശി തരൂര്‍ ഇത് അനുസരിക്കുന്നില്ലെന്ന് സുധാകരന്‍ കുറ്റപ്പെടുത്തി. ഒരു കാര്യവും പാര്‍ട്ടിയുമായി കൂടിയാലോചിക്കുന്നില്ല,സ്വന്തമായി തീരുമാനങ്ങളെടുക്കുകയും നടപ്പാക്കുകയും ചെയ്യുന്ന ഒരു രീതിയിലേക്ക് ശശി തരൂര്‍ മാറിയിട്ടുണ്ട്, സുധാകരന്‍ പറഞ്ഞു.

പല ഘട്ടങ്ങളിലും ശശി തരൂരിന്റെ കൂടെനിന്നയാളാണ് താന്‍. ആ തന്നെ ഒന്നു ഫോണില്‍ വിളിക്കാന്‍ പോലും തരൂര്‍ തയ്യാറാവുന്നില്ലെന്നും സുധാകരന്‍ പറഞ്ഞു.