കോട്ടയം: പാലാ നഗരസഭയില്‍ കഴിഞ്ഞ ദിവസം നടന്ന കയ്യാങ്കളിയ്ക്ക് പിന്നാലെ ജോസ് കെ മാണിയ്‌ക്കെതിരെ പാലാ നഗരത്തില്‍ പോസ്റ്ററുകള്‍.

സേവ് സിപിഐഎമ്മിന്റെ പേരിലാണ് പോസ്റ്ററുകള്‍ പതിപ്പിച്ചത്. ജോസ് കെ മാണി കുലം കുത്തിയാണെന്നും പോളിംഗ് സ്റ്റേഷനില്‍ ചെല്ലുമ്പോള്‍ ഇക്കാര്യം ഓര്‍ക്കണമെന്നും പോസ്റ്ററില്‍ ചൂണ്ടിക്കാട്ടുന്നു.

ഇന്നലെ പാലാ നഗരസഭയില്‍ സിപിഐഎം കേരള കോണ്‍ഗ്രസ് അംഗങ്ങള്‍ തമ്മില്‍ ഏറ്റുമുട്ടിയിരുന്നു.

അതേസമയം, പാലായിലെ എല്‍.ഡി.എഫ് ഒറ്റക്കെട്ടാണെന്ന് ജോസ് കെ മാണി പറഞ്ഞു. നഗരസഭയിലുണ്ടായ പ്രശ്നങ്ങള്‍ വ്യക്തി പരമാണെന്നും തെരഞ്ഞെടുപ്പിനെ അത് ബാധിക്കില്ലെന്നും ജോസ് കെ മാണി പ്രതികരിച്ചു.