നീലേശ്വരം: നീലേശ്വരത്തെ ആദ്യത്തെ മാജിക് അക്കാദമി ആന്‍ഡ് ആര്‍ട്ട് ഗാലറി കരുവാച്ചേരിയില്‍ പ്രവര്‍ത്തനമാരംഭിച്ചു. മാന്ത്രികതയും വരയും സമന്വയിപ്പിച്ചു കൊണ്ടുള്ള ആര്‍ട്ട് ഗാലറി ലളിതകലാ അക്കാദമി അവാര്‍ഡ് ജേതാവും ചിത്രകാരനുമായ വിനോദ് അമ്പലത്തറ ഉദ്ഘാടനം ചെയ്തു. ഏറുപുറം മുഹമ്മദ് അധ്യക്ഷനായി. പ്രഗത്ഭരായ ചിത്രകാരന്മാര്‍, മാന്ത്രികര്‍ എന്നിവര്‍ നയിക്കുന്ന ക്യാംപുകള്‍ ഇവിടെയുണ്ടാകും.
മാജിക്, ചിത്രരചന, കളിമണ്‍ പ്രതിമ നിര്‍മാണം എന്നിവയിലുള്ള പരിശീലനത്തിനും സൗകര്യമുണ്ട്. മജീഷ്യന്‍ ബാലന്‍ നീലേശ്വരവും ചിത്രകാരന്‍ ഏറുപുറം മുഹമ്മദും ചേര്‍ന്നാണ് ആര്‍ട്ട് ഗാലറിക്കു രൂപം നല്‍കിയത്.