തിരുവനന്തപുരം: മലയാളം സര്‍വ്വകലാശാല വിസി നിയമന നടപടികളുമായി സര്‍ക്കാര്‍ മുന്നോട്ട്. മലയാളം സര്‍വകലാശാല വി.സി നിയമനത്തിന് സെര്‍ച്ച് കമ്മിറ്റി രൂപീകരിക്കാനൊരുങ്ങി സര്‍ക്കാര്‍. ഗവര്‍ണര്‍ അംഗീകരിക്കാത്ത നിയമഭേദഗതി മുന്‍നിര്‍ത്തി സര്‍ക്കാര്‍ അഞ്ചംഗ സെര്‍ച്ച് കമ്മിറ്റി രൂപീകരിക്കാനാണ് നീക്കം.

ഇതുമായി ബന്ധപ്പെട്ട് രാജ്ഭവന് ഉന്നതവിദ്യാഭ്യാസ സെക്രട്ടറി കത്തെഴുതി. നിലവിലെ ചട്ടപ്രകാരം സെര്‍ച്ച് കമ്മിറ്റി രൂപീകരിക്കേണ്ടത് ചാന്‍സലറാണ്.ചാന്‍സലര്‍ സ്ഥാനത്ത് നിന്ന് മാറ്റുന്ന ബില്ലില്‍ ഒപ്പിടില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍ അറിയിച്ചിരുന്നു.

ബില്‍ രാഷ്ട്രപതിക്ക് അയക്കുന്നതിലെ സാധ്യതകള്‍ പരിശോധിച്ചുവരികയാണെന്നും രാഷ്ട്രപതിക്ക് അയക്കുന്നതില്‍ തീരുമാനം എടുത്തില്ലെന്നും ഗവര്‍ണര്‍ നേരത്തെ വ്യക്തമാക്കിയിരുന്നു.