ചെന്നൈ: ചെന്നൈ സൂപ്പര്‍ കിങ്‌സ് നായകസ്ഥാനത്തുനിന്ന് പടിയിറങ്ങി മഹേന്ദ്രസിങ് ധോണി. പുതിയ സീസണില്‍ ഇന്ത്യന്‍ താരം രവീന്ദ്ര ജഡേജയാകും ടീമിനെ നയിക്കുക.

സമൂഹമാധ്യമങ്ങളിലൂടെയാണ് ധോണിയില്‍നിന്ന് നായകസ്ഥാനം ജഡേജ ഏറ്റെടുക്കുന്ന വിവരം ചെന്നൈ സൂപ്പര്‍ കിങ്‌സ് പുറത്ത് വിട്ടത്.

മഹേന്ദ്രസിങ് ധോണിയ ചെന്നൈ സൂപ്പര്‍ കിങ്‌സിന്റെ നായകസ്ഥാനത്തുനിന്ന് മാറാനും പകരം നായകനായി രവീന്ദ്ര ജഡേജയെ നിയോഗിക്കാനും തീരുമാനിച്ചു. ഈ സീസണിലും തുടര്‍ന്നുള്ള സീസണുകളിലും ധോണി ചെന്നൈയ്ക്കായി കളിക്കും.