മലപ്പുറം: സുപ്രഭാതം പ്രചാരണ പ്രവര്‍ത്തനങ്ങള്‍ മലപ്പുറം ജില്ലയിലെ 131 റെയ്ഞ്ചുകളിലും ഊര്‍ജിതമാക്കാന്‍ സുന്നി മഹലില്‍ ചേര്‍ന്ന ജില്ലാ കോ ഓര്‍ഡിനേഷന്‍ കമ്മിറ്റി തീരുമാനിച്ചു. പ്രചാരണ കാലയളവില്‍ ഏറ്റവും കൂടുതല്‍ വരിക്കാരെ ചേര്‍ക്കുന്ന മദ്‌റസകള്‍ക്കു റെയ്ഞ്ച് കമ്മിറ്റിയും റെയ്ഞ്ചുകള്‍ക്കു മേഖലാ കോ ഓര്‍ഡിനേറ്റര്‍മാരും ട്രോഫികള്‍ നല്‍കും.  ഏറ്റവും കൂടുതല്‍ വാര്‍ഷിക വരിക്കാരെ ചേര്‍ക്കുന്ന റെയ്ഞ്ച് സെക്രട്ടറിമാര്‍ക്കും മേഖലാ കോ ഓര്‍ഡിനേറ്റര്‍മാര്‍ക്കും ജില്ലാ കോ ഓര്‍ഡിനേഷന്‍ കമ്മറ്റി ആകര്‍ഷകമായ സമ്മാനങ്ങള്‍ നല്‍കും.
യോഗം സുപ്രഭാതം ഡെപ്യൂട്ടി സി ഇ ഒ ഐ.എം അബ്ദുറഹ്മാന്‍  ഉദ്ഘാടനം ചെയ്തു. എസ്‌കെജെഎംസി സി സെക്രട്ടറി കെ.ടി ഹുസൈന്‍ കുട്ടി മൗലവി, മലപ്പുറം വെസ്റ്റ് ജില്ലാ ജംഇയ്യത്തുല്‍ മുഅല്ലിമീന്‍ സെക്രട്ടറി അബ്ദുല്‍ ഖാദര്‍ ഖാസിമി. സുപ്രഭാതം റീജനല്‍ മാനേജര്‍ വൈ.പി.ശിഹാബ്, എം.പി ഹംസ മുസ്‌ലിയാര്‍ പ്രസംഗിച്ചു.