HOME
DETAILS

'എട്ടുവർഷത്തിനിടെ എത്ര കശ്മിരി പണ്ഡിറ്റുകളെ ബി.ജെ.പി പുനരധിവസിപ്പിച്ചു?' പണ്ഡിറ്റ് വിഷയത്തിൽ ബി.ജെ.പി കളിക്കുന്നത് തികഞ്ഞ രാഷ്ട്രീയമെന്നും കെജ് രിവാൾ

  
backup
March 27 2022 | 06:03 AM

65230-4562


ന്യൂഡൽഹി
ബി.ജെ.പി കേന്ദ്രം ഭരിച്ച കഴിഞ്ഞ എട്ടു വർഷത്തിനിടെ എത്ര കശ്മിരി പണ്ഡിറ്റുകളെ താഴ് വരയിൽ പുനരധിവസിപ്പിച്ചെന്ന് ഡൽഹി മുഖ്യമന്ത്രി അരവിന്ദ് കെജ് രിവാൾ. പണ്ഡിറ്റുകളുടെ പലായനം സംബന്ധിച്ച് ഈയിടെ പുറത്തിറങ്ങിയ 'ദ കശ്മിർ ഫയൽസ്' ചിത്രം ഇതുവരെ നേടിയ വരുമാനം പണ്ഡിറ്റുകളുടെ ക്ഷേമത്തിനായി ചെലവഴിക്കണമെന്നും കെജ് രിവാൾ പറഞ്ഞു. ഡൽഹി നിയമസഭയിൽ ബജറ്റ് സെഷനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.


ഇതു രണ്ടാം തവണയാണ് കെജ് രിവാൾ ചിത്രത്തിനെതിരേ രംഗത്തെത്തുന്നത്. വിഷയം രാഷ്ട്രീയ നേട്ടത്തിനായി ഉപയോഗിക്കുന്ന കേന്ദ്രത്തെയും അദ്ദേഹം വിമർശിച്ചു.
'കഴിഞ്ഞ എട്ടുവർഷത്തിനിടെ ഒരു പണ്ഡിറ്റിനെയെങ്കിലും താഴ് വരയിൽ പുനരധിവസിപ്പിക്കാൻ ബി.ജെ.പിക്ക് കഴിഞ്ഞോ? 'ദ കശ്മിർ ഫയൽസ്' ചിത്രത്തിന് സംസ്ഥാനങ്ങൾ നികുതി ഒഴിവാക്കി കൊടുക്കണമെന്നാണ് ബി.ജെ.പി നേതാക്കൾ ആവശ്യപ്പെടുന്നത്. സിനിമ യുട്യൂബിൽ അപ് ലോഡ് ചെയ്യണമെന്നാണ് തന്റെ വാദം. അങ്ങനെയെങ്കിൽ സൗജന്യമായി എല്ലാവർക്കും കണ്ടുകൂടേയെന്നും കേജ് രിവാൾ ചോദിച്ചു. എട്ടുവർഷം കേന്ദ്രം ഭരിച്ചിട്ടും പറയത്തക്ക വികസനം കൊണ്ടുവരാത്ത പ്രധാനമന്ത്രി മോദിക്ക് രാഷ്ട്രീയനേട്ടത്തിനായി ഒരു സിനിമാ സംവിധായകന്റെ കാലിൽ വീഴേണ്ട ദുർഗതിയാണെന്ന് അദ്ദേഹം തുറന്നടിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."