പത്തനംതിട്ട: ആറന്മുള മണ്ഡലത്തിലെ എല്‍.ഡി.എഫ് സ്ഥാനാര്‍ഥി വീണ ജോര്‍ജ്ജിനെ കയ്യേറ്റം ചെയ്യാന്‍ ശ്രമിച്ചതായി പരാതി. ബൂത്ത് സന്ദര്‍ശനത്തിനിടെ ആറാട്ടുപുഴയില്‍ വെച്ചാണ് അതിക്രമം നടന്നത്. കോണ്‍ഗ്രസ് ബി.ജെ.പി പ്രവര്‍ത്തകരാണ് കയ്യേറ്റം ശ്രമിച്ചതെന്ന് പരാതിയില്‍ പറയുന്നു.

അതേസമയം ആറാട്ടുപുഴയില്‍ തനിക്കെതിരെ നടന്നത് ആസൂത്രിതമായ കയ്യേറ്റശ്രമമെന്ന് വീണ ജോര്‍ജ് പറഞ്ഞു. താന്‍ ബൂത്ത് സന്ദര്‍ശിക്കുന്നതിനെ എന്തിനാണ് ഭയക്കുന്നതെന്ന് അറിയില്ല. ഇലക്ഷന്‍ കമ്മിഷന്‍ സ്ഥാനാര്‍ഥിക്ക് നല്‍കുന്ന അവകാശം ഹനിക്കുന്നതിനെതിരെ നിയമ നടപടി സ്വീകരിക്കുമെന്നും വീണ ജോര്‍ജ് പറഞ്ഞു.