കണ്ണൂര്‍: അഴീക്കോട് മണ്ഡലത്തിലെ യു.ഡി.എഫ് സ്ഥാനാര്‍ഥി കെ.എം ഷാജിക്കെതിരെ സി.പി.എം പ്രവര്‍ത്തകര്‍ അസഭ്യ വര്‍ഷം നടത്തിയതായി പരാതി. അതേ സമയം കെ.എം ഷാജിയാണ് ആദ്യം അസഭ്യം പറഞ്ഞതെന്നാണ് സി.പി.എം പ്രവര്‍ത്തകര്‍ പറയുന്നത്.
മീന്‍കുന്ന് സ്‌കൂളിലെ പോളിങ് ബൂത്തില്‍ കെ.എം ഷാജി എത്തിയപ്പോള്‍ വൈകിട്ട് നാലരയ്ക്കാണ് സംഭവം. താന്‍ എത്തിയപ്പോള്‍ മുതല്‍ സി.പി.എം പ്രവര്‍ത്തകര്‍ പ്രകോപിപ്പിക്കാന്‍ ശ്രമിച്ചെന്നാണ് ഷാജി പറയുന്നത്.