കരുവാരകുണ്ട്: ഓണവും പെരുന്നാളും വിഭവസമൃദ്ധമാക്കാന്‍ 36 ഇനം നിത്യോപയോഗ സാധനങ്ങളുടെ കിറ്റുകള്‍ അന്‍പത് ശതമാനത്തോളം ഡിസ്‌കൗണ്ട് നല്‍കി ജനങ്ങള്‍ക്ക് എത്തിക്കാന്‍ വിപുലമായ പദ്ധതികള്‍ ആവിഷ്‌കരിച്ച് എംപ്ലോയീസ്  സൊസൈറ്റി മാതൃകയാകുന്നു.
കരുവാരകുണ്ട് ഇന്ദിരഗാന്ധി എംപ്ലോയിസ് സൊസൈറ്റിയാണ് കിറ്റുവിതരണത്തിനായി  മുന്നോട്ട് വന്നിരിക്കുന്നത്. കിറ്റുവിതരണത്തിനായുള്ള ഒരുക്കള്‍ പൂര്‍ത്തിയായതായി പ്രസിഡന്റ് വി ഉമ്മര്‍കോയ പറഞ്ഞു.
ഗുണമേന്മയുളള ഉല്‍പന്നങ്ങളുടെ മാര്‍ക്കറ്റ് വിലയില്‍ വലിയ കുറവ് വരുത്തി നല്‍കുന്ന സാധനങ്ങളുടെ അധികവില  സൊസൈറ്റി നല്‍കുമെന്നും അദ്ദേഹം പറഞ്ഞു. സെക്രട്ടറി കെ നാസര്‍, പി.ആര്‍ രാജീവ് സംബന്ധിച്ചു.