തിരുവനന്തപുരം: ടൂറിസം ആരോഗ്യം വകുപ്പുകള്‍ക്കെതിരെ തുറന്നടിച്ച് സി.പി.എം നേതാവും മുന്‍ മന്ത്രിയുമായ ജി സുധാകരന്‍. ആരോഗ്യമേഖലയില്‍ അശ്രദ്ധയും അവഗണനയുമാണ്. മെഡിക്കല്‍ കോളജുകളില്‍ ആവശ്യത്തിന് ഡോക്ടര്‍മാരില്ല. ആലപ്പുഴ മെഡിക്കല്‍ കോളജിന്റെ വികസനം എങ്ങുമെത്തിയില്ല.

ഡോക്‌ടേഴ്‌സിനെ പ്രവര്‍ത്തിക്കാന്‍ അനുവദിക്കുന്നില്ലെന്നും സുധാകരന്‍ പറഞ്ഞു. ജില്ലാ ടൂറിസം പ്രൊമോഷനില്‍ അഴിമതിയുടെ അയ്യരുകളിയെന്ന് ജി സുധാകരന്‍ കുറ്റപ്പെടുത്തി. ആലപ്പുഴ സൗഹൃദവേദി സംഘടിപ്പിച്ച സെമിനാറിലാണ് സുധാകരന്‍ ഇക്കാര്യങ്ങള്‍ വിമര്‍ശിച്ചത്.