തെഹ്‌റാന്‍: ഇറാനിലെ നടാന്‍സ് ആണവകേന്ദ്രത്തില്‍ അപ്രതീക്ഷിതമായി വൈദ്യുതി നിലച്ചത് ആണവ ഭീകരപ്രവര്‍ത്തനമാണെന്ന് ഇറാന്‍ ആണവോര്‍ജ ഏജന്‍സി മേധാവി അലി അക്ബര്‍ സലേഹി ആരോപിച്ചു.

എന്നാല്‍ വൈദ്യുതി വിതരണ ഗ്രിഡിലെ തകരാറാണു കാരണമെന്ന് ഇറാനിയന്‍ ടി.വി റിപ്പോര്‍ട്ട് ചെയ്തു. ഇതുമൂലം നിലയത്തില്‍ ആളപായമോ ആണവ മലിനീകരണമോ ഉണ്ടായിട്ടില്ല.

50 ഇരട്ടി വേഗമേറിയ യുറേനിയം സമ്പുഷ്ടീകരണത്തിനു ശനിയാഴ്ച തുടക്കമിട്ടതിനു പിന്നാലെയാണ് വൈദ്യുതി നിലച്ചത്. ഇസ്രായേലില്‍ നിന്നുള്ള സൈബര്‍ ആക്രമണമാണെന്നും ആരോപണമുയര്‍ന്നു. ആണവകേന്ദ്രത്തിനു നേരെ ഇസ്‌റാഈല്‍ ഭീകരാക്രമണമാണ് നടത്തിയതെന്നും ഇതിനെതിരേ പ്രതികാരം ചെയ്യുമെന്നും ഇറാന്‍ മുന്നറിയിപ്പ് നല്‍കി.
.