തിരുവനന്തപുരം: തലസ്ഥാന നഗരത്തിൽ വീണ്ടും പെൺകുട്ടിക്കുനേരെ ആക്രമണം. സൈക്കിളിൽ സഞ്ചരിച്ച പെൺകുട്ടിയെ കടന്നു പിടിക്കാൻ ശ്രമം. മ്യൂസിയം–വെള്ളയമ്പലം റോഡിൽവച്ചാണ് ആക്രമണമുണ്ടായത്. സംഭവത്തിൽ അക്രമിയെ അറസ്റ്റ് ചെയ്തിട്ടുണ്ട്. പേയാട് സ്വദേശി മനു ആണ് പിടിയിലായത്.

ആഴ്ചകൾക്കു മുൻപ് മ്യൂസിയം ഭാഗത്ത് അതിരാവിലെ നടക്കാനിറങ്ങിയ യുവതിയെ ഒരാൾ കടന്നുപിടിച്ചത് ഏറെ ചർച്ചയായിരുന്നു. സിസിടിവി ദൃശ്യങ്ങൾ പരിശോധിച്ച് പ്രതിയെ പിടികൂടുകയും ചെയ്തിരുന്നു.