ന്യൂഡല്‍ഹി: സി.ബി.എസ്.ഇ 10, 12 പരീക്ഷകള്‍ നീട്ടി വെച്ചേക്കും. കൊവിഡ് വ്യാപനം രാജ്യത്ത് അതിരൂക്ഷമാകുന്ന സാഹചര്യത്തിലാണ് നടപടി. പരീക്ഷകള്‍ നീട്ടിവെക്കുന്നത് വെക്കുന്നത് പരിഗണനയിലെന്ന് വിദ്യാഭ്യാസ മന്ത്രാലയത്തിലെ മുതിര്‍ന്ന ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

മെയ് നാലിനാണ് പരീക്ഷ ആരംഭിക്കേണ്ടത്. പരീക്ഷ നീട്ടിവെക്കണമെന്ന ആവശ്യവുമായി നേരത്തെ പ്രതിപക്ഷവും രംഗത്തെത്തിയിരുന്നു. മെയ് മാസത്തില്‍ പരീക്ഷയുമായി മുന്നോട്ടുപോകാനുള്ള തീരുമാനം പുനഃപരിശോധിക്കണമെന്ന് സി.ബി.എസ്.ഇക്ക് നിര്‍ദേശം നല്‍കാന്‍ വിദ്യാഭ്യാസ മന്ത്രി രമേശ് പൊഖ്‌റിയാലിനോട് കോണ്‍ഗ്രസ് നേതാക്കളായ രാഹുല്‍ ഗാന്ധി, പ്രിയങ്ക ഗാന്ധി എന്നിവര്‍ ആവശ്യപ്പെട്ടിരുന്നു.