ലഖ്‌നോ: ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിന് കൊവിഡ് സ്ഥിരീകരിച്ചു. ഓഫിസ് ജീവനക്കാര്‍ക്ക് രോഗബാധ സ്ഥിരീകരിച്ചതിനെ തുടര്‍ന്ന് അദ്ദേഹം നിരീക്ഷണത്തിലായിരുന്നു.

കൊവിഡ് പോസിറ്റീവായ വിവരം ട്വിറ്ററിലൂടെയാണ് യോഗി അറിയിച്ചത്. സ്വയം നിരീക്ഷണത്തിലാണെന്നും ജോലികളെല്ലാം ഓണ്‍ലൈനായി ചെയ്യുന്നുണ്ടെന്നും യോഗി ട്വിറ്ററില്‍ കുറിച്ചു.

സമാജ്‌വാദി പാര്‍ട്ടി നേതാവും യു.പി മുന്‍മുഖ്യമന്ത്രിയുമായ അഖിലേഷ് യാദവിനും ബുധനാഴ്ച കൊവിഡ് ബാധിച്ചിരുന്നു. യു.പിയില്‍ കൊവിഡ് ബാധിതരുടെ എണ്ണത്തില്‍ വന്‍ വര്‍ധനവാണ് രേഖപ്പെടുത്തുന്നത്. ചൊവ്വാഴ്ച 18,021 പേര്‍ക്കാണ് രോഗം സ്ഥിരീകരിച്ചത്. 85 പേര്‍ മരിക്കുകയും ചെയ്തിരുന്നു.