ആലപ്പുഴ: വള്ളിക്കുന്നത്ത് പതിനഞ്ചുകാരനെ കൊലപ്പെടുത്തിയ കേസില്‍ ഒരാള്‍ കൂടി പിടിയില്‍.വള്ളിക്കുന്നം സ്വദേശി വിഷ്ണുവാണ് എറണാകുളത്ത് പിടിയിലായത്. ഇന്ന് രാവിലെ മുഖ്യപ്രതി സഞ്ജയ് ജിത്ത് പൊലിസില്‍ കീഴടങ്ങിയിരുന്നു. കേസില്‍ സജയ് ജിത്ത് ഉള്‍പ്പടെ അഞ്ച് പേരുണ്ടെന്നാണ് പൊലിസ് നിഗമനം.

ബുധനാഴ്ച പടയണിവട്ടം ക്ഷേത്രത്തില്‍ നടന്ന വിഷു ഉത്സവത്തിനിടെ രാത്രി പത്ത് മണിയോടെയാണ് അഭിമന്യുവിനെ കുത്തിക്കൊലപ്പെടുത്തുന്നത്.നേരത്തെ മറ്റൊരു ക്ഷേത്രത്തിലെ ഉത്സവത്തിനിടെ തര്‍ക്കങ്ങളുണ്ടായതില്‍ അഭിമന്യുവിന്റെ സഹോദരന്‍ ഉള്‍പ്പെട്ടിരുന്നു. ഇതേത്തുടര്‍ന്ന് കഴിഞ്ഞ ദിവസം പടയണിവട്ടം ക്ഷേത്രത്തില്‍ വെച്ച് അക്രമമുണ്ടായത്.