റിയാദ്: അല്‍ ഫത്തഹിനെതിരെ നടന്ന കളിയില്‍ അല്‍ നസ്‌റിനെ തോല്‍വിയില്‍ നിന്ന് രക്ഷിച്ച് ക്രിസ്റ്റ്യാനോയുടെ പെനാല്‍റ്റി ഗോള്‍. സൗദി പ്രോ ലീഗ് മത്സരത്തില്‍ അല്‍ നസ്ര്‍ അല്‍ഫത്തഹ് സമനില നേടി. മത്സരത്തിന്റെ ഇഞ്ചുറി ടൈമില്‍ പെനാല്‍റ്റിയിലൂടെ ഗോള്‍ നേടിയ താരം അല്‍ നസ്‌റിന് സമനില (22) സമ്മാനിക്കുകയായിരുന്നു.

12ആം മിനിട്ടില്‍ ക്രിസ്റ്റ്യന്‍ ടെല്ലോ നേടിയ ഗോളിലൂടെ അല്‍ ഫത്തെഹ് ആയിരുന്നു ആദ്യം ലീഡ് നേടിയത്. എന്നാല്‍, ആന്‍ഡേഴ്‌സണ്‍ ടലിസ്‌കയുടെ ഗോളില്‍ 42ആം മിനിറ്റില്‍ അല്‍ നസ്ര്‍ സമനില പിടിച്ചു. 58ആം മിനിട്ടില്‍ സൊഫിയാന്‍ ബെന്‍ഡെബ്ക അല്‍ ഫത്തെഹിന് ലീഡ് സമ്മാനിച്ചു. സമനില പിടിക്കാന്‍ അല്‍ നസ്ര്‍ കിണഞ്ഞു ശ്രമിച്ചെങ്കിലും ഗോളടിക്കാനായില്ല. ഒടുവില്‍ ഇഞ്ചുറി ടൈമില്‍ ലഭിച്ച പെനാല്‍റ്റി ക്രിസ്റ്റ്യാനോ ഗോളാക്കി മാറ്റുകയായിരുന്നു.