മലപ്പുറം: കാല്‍നടയായി മക്കയിലേക്ക് ഹജ്ജിനു പുറപ്പെട്ട മലപ്പുറം സ്വദേശി ശിഹാബ് ചോറ്റൂര്‍ നാളെ ഹജ്ജ് യാത്ര പുനരാരംഭിക്കും.പാകിസ്താന്‍ ട്രാന്‍സിറ്റ് വിസ അനുവദിച്ചു. നാളെ രാവിലെ ഒമ്പതിന് പഞ്ചാബിലെ അഠാരി വാഗാ അതിര്‍ത്തി വഴിയാണ് യാത്ര. കഴിഞ്ഞ ബുധനാഴ്ച്ചയാണ് ശിഹാബ് ചോറ്റൂരിനു ട്രാന്‍സിറ്റ് വിസ അനുവദിച്ചത്.

2022 ജൂണ്‍ രണ്ടിനാണ് ശിഹാബ് മലപ്പുറത്തു നിന്നും കാല്‍നടയായി ഹജ്ജിനു പുറപ്പെട്ടത്. 2022 സെപ്തംബര്‍ 26 മുതല്‍ ട്രാന്‍സിറ്റ് വിസയുമായി ബന്ധപ്പെട്ട നടപടി ക്രമങ്ങളുടെ ഭാഗമായി പഞ്ചാബിലെ അമൃതസര്‍ ഗാസ ആഫിയ കിഡ്‌സ് സ്‌കൂളില്‍ കഴിയുകയായിരുന്നു ശിഹാബ് ചോറ്റൂര്‍. ഇതുവരെ മാനസികമായും ശാരീരികമായും ഒരു തളര്‍ച്ചയും നേരിട്ടിട്ടില്ലന്നും അടുത്ത ഹജ്ജ് തന്നെ നിര്‍ഹിക്കാനുള്ള ശുഭപ്രതീക്ഷയാണ് ഉള്ളതെന്നും ശിഹാബ് ചോറ്റൂര്‍ പറഞ്ഞു.