ന്യൂഡല്‍ഹി: വിമാനം പറത്തുന്നതിനിടെ കോക്പിറ്റിലിരുന്ന് സെല്‍ഫിയെടുത്ത മൂന്ന് ഇന്‍ഡിഗോ പൈലറ്റുമാര്‍ക്ക് വ്യോമയാന സുരക്ഷ നിയന്ത്രണ വിഭാഗത്തിന്റെ വിലക്ക്.ഒരാഴ്ച്ചയ്ക്കാണ് വിലക്ക് ഏര്‍പ്പെടുത്തിയിരിക്കുന്നത്.

ഒന്നരവര്‍ഷം മുമ്പ് സെല്‍ഫിയെടുത്തതിനാണ് ഇപ്പോള്‍ നടപടിയെടുത്തിരിക്കുന്നത്. വിമാനം പറത്തലിനിടെ സെല്‍ഫി എടുക്കുന്നതും അത് ഫെയ്‌സ്ബുക്ക് അടക്കമുള്ള സോഷ്യല്‍ മീഡിയകളില്‍ പോസ്റ്റ് ചെയ്യുന്നതും വര്‍ധിച്ചു വരുന്നുണ്ടെന്നും. പൈലറ്റുമാരുടെ കോക്പിറ്റിലെ മൊബൈല്‍ ഉപയോഗം വിമാനത്തിലെ യാത്രക്കാരുടെ സുരക്ഷയ്ക്ക് ഭീഷണിയാണെന്നും ഇത് സംബന്ധിച്ച് മുന്നറിയിപ്പ് നല്‍കിയിട്ടുണ്ടെന്നും ഡയറക്ടറേറ്റ് ജനറല്‍ ഓഫ് ഏവിയേഷന്‍ മുന്നറിയിപ്പ് നല്‍കിയിട്ടുണ്ട്്.