മുക്കം: കൊടിയത്തൂര്‍ പി.ടി.എം ഹയര്‍ സെക്കന്‍ഡറി സ്‌കൂളില്‍ പുതുതായി നിര്‍മിച്ച ശിഹാബ് തങ്ങള്‍ സ്മാരക ഹയര്‍ സെക്കന്‍ഡറി ബ്ലോക്കിന്റെ ഉദ്ഘാടനം നാളെ നടക്കും. ഒന്നര കോടിയോളം രൂപ ചെലവഴിച്ച് നിര്‍മിച്ച ബ്ലോക്കിന്റെ ഉദ്ഘാടനം പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കുമെന്ന് സ്‌കൂള്‍ അധികൃതര്‍ വാര്‍ത്താ സമ്മേളനത്തില്‍ അറിയിച്ചു. ഐ.ഡി.എം.ഐ ബ്ലോക്കിന്റെ ഉദ്ഘാടനവും ചടങ്ങില്‍ നടക്കും. കംപ്യൂര്‍ ലാബ് ബഷീറലി ശിഹാബ് തങ്ങളും സയന്‍സ് ലാബുകള്‍ സി.പി മുഹമ്മദ് കുട്ടിയും കട്ടയാട്ട് റസാഖ് മാസ്റ്റര്‍ സ്മാരക സൗണ്ട് സിസ്റ്റം കെ.പി.എ മജീദും ഉദ്ഘാടനം ചെയ്യും. മാസ് റിയാദ് നല്‍കുന്ന കുടിവെള്ള പദ്ധതി പി.കെ ബഷീര്‍ എം.എല്‍.എയും വെബ് സൈറ്റ് ലോഞ്ചിങ് സി.ടി.സി അബ്ദുല്ലയും നിര്‍വഹിക്കും. രാഷ്ട്രീയ സാമൂഹ്യ സാംസ്‌കാരിക രംഗത്തെ നിരവധി പേര്‍ ചടങ്ങില്‍ സംബന്ധിക്കുമെന്നും സ്‌കൂള്‍ അധികൃതര്‍ പറഞ്ഞു.