കൊടുവള്ളി: കിഴക്കോത്ത് ഗ്രാമപഞ്ചായത്തില്‍ 500 ഹെക്ടര്‍ സ്ഥലത്ത് നടപ്പിലാക്കുന്ന സമഗ്ര നാളികേര വികസന പദ്ധതിയായ കേരഗ്രാമം പദ്ധതി കാരാട്ട് റസാഖ് എം.എല്‍.എ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് എന്‍.സി.ഉസയിന്‍ മാസ്റ്റര്‍ അധ്യക്ഷനായി. വൈസ് പ്രസിഡന്റ് വി.പി.ഗീത, ജില്ലാ പഞ്ചായത്തംഗം എം.എ.ഗഫൂര്‍ മാസ്റ്റര്‍, ബ്ലോക്ക് സ്ഥിരം സമിതി അധ്യക്ഷ മൈമൂന ഹംസ, ഗ്രാമ പഞ്ചായത്ത് സ്ഥിരം സമിതി അധ്യക്ഷന്‍മാരായ കെ.കെ.എ.ജബ്ബാര്‍ മാസ്റ്റര്‍, വി.എം.മനോജ്, യു.പി.നഫീസ, ബ്ലോക്ക് പഞ്ചായത്തംഗം പി.കെ.മൊയ്തീന്‍ ഹാജി, ഗ്രാമ പഞ്ചായത്തംഗങ്ങളായ റജ്‌നാ കുറുക്കാംപോയില്‍, നസീമാ ജമാലുദ്ദീന്‍, ആഷിഖുറഹ്മാന്‍, കൃഷി അസിസ്റ്റന്റ് ഡയറക്ടര്‍ മിനി ജോസ്, ഗ്രാമ പഞ്ചായത്ത് സെക്രട്ടറി സാദിഖ് മഹ്ദൂം സംസാരിച്ചു. ടി.കെ.നസീര്‍ സ്വാഗതവും കെ.കെ.സഫിയ നന്ദിയും പറഞ്ഞു.