ന്യൂഡല്‍ഹി: സിക്കിമിലും അഫ്ഗനിസ്ഥാനിലും ഭൂചലനമുണ്ടായതായി റിപ്പോര്‍ട്ട്. സിറിയയേയും തുര്‍ക്കിയേയും തകര്‍ത്തെറിഞ്ഞ ഭൂചനത്തിന്റെ ആഘാതം വിട്ടൊഴിയും മുമ്പ് സിക്കിമിലും അഫ്ഗാനിലും ഭൂചനമുണ്ടായത് ആശങ്കയുണര്‍ത്തുന്നുണ്ട്.

സിക്കിമിലെ വടക്കു പടിഞ്ഞാറന്‍ യുക്‌സോമില്‍ ഇന്ന് പുലര്‍ച്ചെ 4.15 ഓടെയാണ് കുലുക്കം അനുഭവപ്പെട്ടത്. 4.3 ആണ് തീവ്രത രേഖപ്പെടുത്തിയിരിക്കുന്നത്. ഇന്നലെ ഉച്ചക്ക് ശേഷം അസമിലും 4 തീവ്രത രേഖപ്പെടുത്തിയ ഭൂചലമുണ്ടായിരുന്നു.

അഫ്ഗാനിസ്ഥാനില്‍ ഇന്ന് രാവിലെയാണ് ഭൂചലനമുണ്ടായത്. തെക്കു കിഴക്കന്‍ ഫൈസാബാദില്‍ 4.3 തീവ്രത രേഖപ്പെടുത്തിയ ഭൂചലനമുണ്ടായതായാണ് റിപ്പോര്‍ട്ടുകള്‍ പറയുന്നത്. രാവിലെ 6.47 ഓടെയായിരുന്നു കുലുക്കം അനുഭവപ്പെട്ടത്. ഫൈസാബാദില്‍ ജനുവരി 22ന് 4.2 തീവ്രത രേഖപ്പെടുത്തിയ ഭൂചലനമുണ്ടായിരുന്നു.