കൊച്ചി: നടന്‍ ഗിന്നസ് പക്രു സഞ്ചരിച്ച വാഹനം അപകടത്തില്‍ പെട്ടു. തിരുവല്ല ബൈപ്പാസില്‍ മഴുവങ്ങാടുചിറയ്ക്ക് സമീപത്തെ പാലത്തിലായിരുന്നു അപകടം. വാഹനത്തിന്റെ പിന്നില്‍ മറ്റൊരു വാഹനം വന്നിടിക്കുകയായിരുന്നു. തിരുവനന്തപുരത്ത് നിന്നും കൊച്ചിയിലേക്ക് യാത്രയ്ക്കിടയിലായിരുന്നു അപകടം. ചാറ്റല്‍ മഴയുള്ള തിനാല്‍ ഡ്രൈവര്‍ വാഹനം വെട്ടിച്ചു മാറ്റാന്‍ ശ്രമിച്ചുവെങ്കിലും ടെംപോ പുറകുവശത്ത് ഇടിക്കുകയായിരുന്നു.

ആര്‍ക്കും പരുക്കില്ല. അപകടം നടന്ന സ്ഥലത്തിന് സമീപത്ത് തന്നെയുള്ള ടൊയോട്ട ഷോറൂമില്‍ വാഹനം സര്‍വ്വീസിന് കൊടുത്തിട്ടുണ്ട്' ഗിന്നസ് പക്രു പറഞ്ഞു. മറ്റൊരു വാഹനത്തില്‍ കൊച്ചിയിലേക്ക് യാത്ര തുടരുകയാണ് എന്നും അദ്ദേഹം കൂട്ടിച്ചേര്‍ത്തു. സംഭവത്തില്‍ തിരുവല്ല പൊലിസ് കേസെടുത്തിട്ടുണ്ട്.