ന്യൂയോര്‍ക്: ന്യൂയോര്‍ക്ക് നഗരത്തില്‍ അജ്ഞാതന്റെ ആക്രമണത്തില്‍ നിരവധി പേര്‍ക്ക് പരുക്ക്. ഗ്യാസ് മാസ്‌ക് ധരിച്ചെത്തിയ ആള്‍ ബോംബെറിഞ്ഞ ശേഷം വെടിയുതിര്‍ക്കുകയായിരുന്നു. സണ്‍സെറ്റ് പാര്‍ക്കിനടുത്ത് 36 സ്ട്രീറ്റ് സ്റ്റേഷനിലായിരുന്നു ആക്രമണം. സംഭവത്തില്‍ 13 പേര്‍ക്ക് പരുക്കേറ്റതായാണ് ഒടുവിവിലെത്തെ റിപ്പോര്‍ട്ട്. ന്യൂയോര്‍ക്ക്‌സമയം രാവിലെ എട്ടരയോടെയാണ് ആക്രമണം നടന്നത്. ആരാണെന്നോ അക്രമിയുടെ ഉദ്ദേശമെന്തെന്നോ വ്യക്തമായിട്ടില്ല.
അക്രമിക്കായി പൊലിസ് തിരച്ചില്‍ തുടരുകയാണ്. പരുക്കേറ്റവരെ ആശുപത്രിയില്‍ പ്രവേശിപ്പിച്ചു.
പരുക്കേറ്റവരുടെ ആരോഗ്യനില സംബന്ധിച്ച് വ്യക്തത വന്നിട്ടില്ല. സംഭവത്തെ തുടര്‍ന്ന് സിറ്റി ട്രെയിന്‍ സര്‍വിസുകള്‍ തടസപ്പെട്ടു.